dekh wo dasht ki diwar hai sab ka maqtal
is baras jaunga main agle baras jaega tu

Musavvir Sabzwari

---

---

faisla the waqt ka phir be-asar kaise hue
sach ki peshani pe hum jhuTi KHabar kaise hue

Musavvir Sabzwari

---

---

guzarte patton ki chap hogi tumhaare sehan-e-ana ke andar
fasurda yaadon ki barishen bhi mujhe bhulane ke baad hongi

Musavvir Sabzwari

---

---

hamare bich mein ek aur shaKHs hona tha
jo laD paDe to koi bhi nahin manane ka

Musavvir Sabzwari

---

---

hisar-e-gosh-e-samaat ki dastaras mein kahan
tu wo sada jo faqat jism ko sunai de

Musavvir Sabzwari

---

---

isi umid pe jalti hain dasht dasht aanhken
kabhi to aaega umr-e-KHarab kaT ke wo

Musavvir Sabzwari

---

---

jise main chhu nahin sakta dikhai kyun wo deta hai
farishton jaisi bas meri ibaadat dekhte rahna

Musavvir Sabzwari

---

---