meri nazar mein gae mausamon ke rang bhi hain
jo aane wale hain un mausamon se Darna kya

Mushfiq Khwaja

---

---

nazar chura ke wo guzra qarib se lekin
nazar bacha ke mujhe dekhta bhi jata tha

Mushfiq Khwaja

---

---

ye haal hai mere diwar-o-dar ki wahshat ka
ki mere hote hue bhi makan KHali hai

Mushfiq Khwaja

---

---

ye lamha lamha zinda rahne ki KHwahish ka hasil hai
ki lahza lahza apne aap hi mein mar raha hun main

Mushfiq Khwaja

---

---

wo sun saken koi unwan isi liye hum ne
badal badal ke unhen dastan sunai hai

Mushir Jhanjhanvi

---

---

hath jo khola to bachcha ro paDa
band muTThi mein koi sikka na tha

Mushtaq Sadaf

---

---

lafz jab tak wuzu nahin karte
hum teri guftugu nahin karte

Mushtaq Shad

---

---