jo KHas-e-badan tha jala bahut kai nikhaton ki talash mein
main tamam logon se mil chuka teri qurbaton ki talash mein

Musavvir Sabzwari

---

---

kanar-e-ab hawa jab bhi sansanati hai
nadi mein chupke se ek chiKH Dub jati hai

Musavvir Sabzwari

---

---

KHatm hone de mere sath hi apna bhi wajud
tu bhi ek naqsh KHarabe ka hai mar ja mujh mein

Musavvir Sabzwari

---

---

kisi ko qissa-e-paki-e-chashm yaad nahin
ye aanhken kaun si barsat mein nahai thin

Musavvir Sabzwari

---

---

kiya na tark-e-marasim pe ehtijaj us ne
ki jaise guzre kisi manzil-e-najat se wo

Musavvir Sabzwari

---

---

main sang-e-rah hun to Thokar ki zad pe aaunga
tum aaina ho to phir TuTna zaruri hai

Musavvir Sabzwari

---

---

main sang-e-rah nahin jo uTha kar tu phenk de
main aisa marhala hun jo sau bar aaega

Musavvir Sabzwari

---

---