chehre ki chandni pe na itna bhi man kar
waqt-e-sahar tu rang kabhi chand ka bhi dekh

Murtaza Birlas

---

---

dushman-e-jaan hi sahi dost samajhta hun use
bad-dua jis ki mujhe ban ke dua lagti hai

Murtaza Birlas

---

---

mana ki tera mujh se koi wasta nahin
milne ke baad mujh se zara aaina bhi dekh

Murtaza Birlas

---

---

mujhe ki gai hai ye peshkash ki saza mein hongi riyayaten
jo qusur main ne kiya nahin wo qubul kar lun dabao mein

Murtaza Birlas

---

---

aankhen yun barsin pairahan bhig gaya
tere dhyan mein sara sawan bhig gaya

Musavvir Sabzwari

---

---

apne hone ka kuchh ehsas na hone se hua
KHud se milna mera ek shaKHs ke khone se hua

Musavvir Sabzwari

---

---

azabon se Tapakti ye chhaten barson chalengi
abhi se kyun makin masruf-e-matam ho gae hain

Musavvir Sabzwari

---

---