tum aise be-KHabar bhi shaz honge is zamane mein
ki dil mein rah ke andaza nahin hai dil ki haalat ka

Munshi Naubat Rai Nazar Lakhnavi

---

---

wahshiyon ko qaid se chhuTe hue muddat hui
gunjta hai shor ab tak kan mein zanjir ka

Munshi Naubat Rai Nazar Lakhnavi

---

---

wo nigah-e-sharmagin ho ya kisi ka inkisar
jhuk ke jo mujh se mila wo ek KHanjar ho gaya

Munshi Naubat Rai Nazar Lakhnavi

---

---

wo shama nahin hain ki hon ek raat ke mehman
jalte hain to bujhte nahin hum waqt-e-sahar bhi

Munshi Naubat Rai Nazar Lakhnavi

---

---

ya dil hai mera ya tera naqsh-e-kaf-e-pa hai
gul hai ki ek aaina sar-e-rah paDa hai

Munshi Naubat Rai Nazar Lakhnavi

---

---

yaadgar-e-zamana hain hum log
sun rakho fasana hain hum log

Muntazir lakhnavi

---

---

sahaara na deti agar mauj-e-tufan
Dubo hi diya tha hamein na-KHuda ne

Muqeem Ehsan Kaleem

---

---