kuchh is andaz se sayyaad ne aazad kiya
jo chale chhuT ke qafas se wo giraftar chale

Mubarak Azimabadi

---

---

kya kahen kya kya kiya teri nigahon ne suluk
dil mein aain dil mein Thahrin dil mein paikan ho gain

Mubarak Azimabadi

---

---

le chala phir mujhe dil yar-e-dil-azar ke pas
ab ke chhoD aaunga zalim ko sitamgar ke pas

Mubarak Azimabadi

---

---

main to har har KHam-e-gesu ki talashi lunga
ki mera dil hai tere gesu-e-KHamdar ke pas

Mubarak Azimabadi

---

---

masjid ki sar-e-rah bina Dal na zahid
is rok se hone ke nahin ku-e-butan band

Mubarak Azimabadi

---

---

mehrab-e-ibaadat KHam-e-abru hai buton ka
kar baiThe hain kabe ko musalman faramosh

Mubarak Azimabadi

---

---

mehrbani chaarasazon ki baDhi
jab baDha darman to bimari baDhi

Mubarak Azimabadi

---

---