jabin par KHak hai ye kis ke dar ki
balaen le raha hun apne sar ki

Mubarak Azimabadi

---

---

jinan ki kahte hain yun mujh se hazrat-e-waiz
ki jaise dekhi na ho yar ki gali main ne

Mubarak Azimabadi

---

---

jo dil-nashin ho kisi ke to is ka kya kahna
jagah nasib se milti hai dil ke goshon mein

Mubarak Azimabadi

---

---

jo laDkhaDae qadam mai-kade mein maston ke
baghal mein hazrat-e-naseh the baDh ke tham liya

Mubarak Azimabadi

---

---

jo nigah-e-naz ka bismil nahin
dil nahin wo dil nahin wo dil nahin

Mubarak Azimabadi

---

---

jo qayamat ka nahin din wo mera din kaisa
jo taDap kar na kaTi ho wo meri raat nahin

Mubarak Azimabadi

---

---

jo un ko chahiye wo kiye ja rahe hain wo
jo mujh ko chahiye wo kiye ja raha hun main

Mubarak Azimabadi

---

---