KHabar itni to hai jhonke tere baad-e-KHizan pahunche
KHuda malum tinke aashiyane ke kahan pahunche

Mubarak Azimabadi

---

---

KHair saqi ki salamat mai-kada
jis qadar pi utni hushyari baDhi

Mubarak Azimabadi

---

---

khaTak rahi hai koi shai nikal de koi
taDap raha hai dil-e-be-qarar sine mein

Mubarak Azimabadi

---

---

kis pe dil aaya kahan aaya bata ai naseh
tu meri tarah pareshan kahan jata hai

Mubarak Azimabadi

---

---

kisi ki tamanna nikalti rahi
meri aarzu hath malti rahi

Mubarak Azimabadi

---

---

kisi ne barchhiyan marin kisi ne tir mare hain
KHuda rakkhe inhen ye sab karam-farma hamare hain

Mubarak Azimabadi

---

---

kisi se aaj ka wada kisi se kal ka wada hai
zamane ko laga rakkha hai is ummid-wari mein

Mubarak Azimabadi

---

---