samjhaen kis tarah dil-e-na-karda-kar ko
ye dosti samajhta hai dushman ke pyar ko

Mubarak Azimabadi

---

---

shikast-e-tauba ki tamhid hai teri tauba
zaban pe tauba 'mubarak' nigah saghar pa

Mubarak Azimabadi

---

---

tauba ki rindon mein gunjaish kahan
jab ye aaegi nikali jaegi

Mubarak Azimabadi

---

---

teri baKHshish ke bharose pe KHataen ki hain
teri rahmat ke sahaare ne gunahgar kiya

Mubarak Azimabadi

---

---

teri ada ki qasam hai teri ada ke siwa
pasand aur kisi ki hamein ada na hui

Mubarak Azimabadi

---

---

tum bhul gae mujh ko yun yaad dilata hun
jo aah nikalti hai wo yaad-dahani hai

Mubarak Azimabadi

---

---

tum ko samjhae 'mubarak' koi kyunkar afsos
tum to rone lage yar aur bhi samjhane se

Mubarak Azimabadi

---

---