daman ashkon se tar karen kyun-kar
raaz ko mushtahar karen kyun-ka

Mubarak Azimabadi

---

---

dil lagate hi to kah deti hain aankhen sab kuchh
aise kaamon ke bhi aaghaz kahin chhupte hain

Mubarak Azimabadi

---

---

dil mein aane ke 'mubarak' hain hazaron raste
hum bataen use rahen koi hum se puchhe

Mubarak Azimabadi

---

---

din bhi hai raat bhi hai subh bhi hai sham bhi hai
itne waqton mein koi waqt-e-mulaqat bhi hai

Mubarak Azimabadi

---

---

gai bahaar magar apni be-KHudi hai wahi
samajh raha hun ki ab tak bahaar baqi hai

Mubarak Azimabadi

---

---

hansi hai dil-lagi hai qahqahe hain
tumhaari anjuman ka puchhna kya

Mubarak Azimabadi

---

---

hum bhi diwane hain wahshat mein nikal jaenge
najd ek dasht hai kuchh qais ki jagir nahin

Mubarak Azimabadi

---

---