na sikandar hai na dara hai na qaisar hai na jam
be-mahal KHak mein hain qasr banane wale

Mirza Raza Barq

---

---

nahin buton ke tasawwur se koi dil KHali
KHuda ne un ko diye hain makan sinon mein

Mirza Raza Barq

---

---

puchha agar kisi ne mera aa ke haal-e-dil
be-iKHtiyar aah labon se nikal gai

Mirza Raza Barq

---

---

uryan hararat-e-tap-e-furqat se main raha
har bar mere jism ki poshak jal gai

Mirza Raza Barq

---

---

chaman mein shab ko ghira abr-e-nau-bahaar raha
huzur aap ka kya kya na intizar raha

Mirza Shauq Lakhnavi

---

---

dekh lo hum ko aaj ji bhar ke
koi aata nahin hai phir mar ke

Mirza Shauq Lakhnavi

---

---

gae jo aish ke din main shabab kya karta
laga ke jaan ko apni azab kya karta

Mirza Shauq Lakhnavi

---

---