gesu ruKH par hawa se hilte hain
chaliye ab donon waqt milte hain

Mirza Shauq Lakhnavi

---

---

maut se kis ko rustagari hai
aaj wo kal hamari bari hai

Mirza Shauq Lakhnavi

---

---

sabit ye kar raha hun ki rahmat-shanas hun
har qism ka gunah kiye ja raha hun main

Mirza Shauq Lakhnavi

---

---

muTThi se jis tarah koi jugnu nikal paDe
dekha use to aankh se aansu nikal paDe

Misam Ali Aagha

---

---

ai mere munis o gham-KHwar mujhe marne de
baat ab hukm ki tamil tak aa pahunchi hai

Misdaque Azmi

---

---

faqat milna-milana kam hua hai
hamari dosti TuTi nahin hai

Misdaque Azmi

---

---

ghaar walon ki tarah nikla hai wo kamre se aaj
us ko is duniya ki tabdili ka andaza nahin

Misdaque Azmi

---

---