qais jangal mein akela hai mujhe jaane do
KHub guzregi jo mil baiThenge diwane do

Miyan dad Khan Sayyah

---

---

turra-e-kakul-e-pechan ruKH-e-nurani par
chashma-e-aina mein sanp sa lahraata hai

Miyan dad Khan Sayyah

---

---

ab kisi dard ka shikwa na kisi gham ka gila
meri hasti ne baDi der mein paya hai mujhe

Moghisuddin Fareedi

---

---

hai 'faridi' ajab rang-e-bazm-e-jahan miT raha hai yahan farq-e-sud-o-ziyan
nur ki bhik taron se lene laga aaftab apni ek ek kiran bech ka

Moghisuddin Fareedi

---

---

hum ne manga tha sahaara to mili is ki saza
ghaTte baDhte rahe hum saya-e-diwar ke sath

Moghisuddin Fareedi

---

---

is daur mein insan ka chehra nahin milta
kab se main naqabon ki tahen khol raha hun

Moghisuddin Fareedi

---

---

sirf alfaz pe mauquf nahin lutf-e-suKHan
aankh KHamosh agar hai to zaban kuchh bhi nahin

Moghisuddin Fareedi

---

---