kya kahun tujh se mohabbat wo bala hai hamdam
mujh ko ibrat na hui ghair ke mar jaane se

Mirza Hadi Ruswa

---

---

lab pe kuchh baat aai jati hai
KHamushi muskurai jati hai

Mirza Hadi Ruswa

---

---

marne ke din qarib hain shayad ki ai hayat
tujh se tabiat apni bahut sair ho gai

Mirza Hadi Ruswa

---

---

Talna tha mere pas se ai kahili tujhe
kam-baKHt tu to aa ke yahin Dher ho gai

Mirza Hadi Ruswa

---

---

unhin ka nam le le kar koi furqat mein marta hai
kabhi wo bhi to sun lenge jo badnami se Darte hain

Mirza Hadi Ruswa

---

---

ye faqat aap ki inayat hai
warna main kya meri haqiqat kya

Mirza Hadi Ruswa

---

---

nami si thi dam-e-ruKHsat kuchh un ke aanchal par
wo ashk the ki pasina main sochta hi raha

Mirza Mahmood Sarhadi

---

---