dilli chhuTi thi pahle ab lucknow bhi chhoDen
do shahar the ye apne donon tabah nikle

Mirza Hadi Ruswa

---

---

dubki hui thi gurba-sifat KHwahish-e-gunah
chumkarne se phul gai sher ho gai

Mirza Hadi Ruswa

---

---

hans ke kahta hai musawwir se wo ghaarat-gar-e-hosh
jaisi surat hai meri waisi hi taswir bhi ho

Mirza Hadi Ruswa

---

---

hai yaqin wo na aaenge phir bhi
kab nigah su-e-dar nahin hoti

Mirza Hadi Ruswa

---

---

hum ko bhi kya kya maze ki dastanen yaad thin
lekin ab tamhid-e-zikr-e-dard-o-matam ho gain

Mirza Hadi Ruswa

---

---

ham-nashin dekhi nahusat dastan-e-hijr ki
sohbaten jamne na pai thin ki barham ho gain

Mirza Hadi Ruswa

---

---

kis qadar mo'taqid-e-husn-e-mukafat hun main
dil mein KHush hota hun jab ranj siwa hota hai

Mirza Hadi Ruswa

---

---