jise zauq-e-baada-parasti nahin hai
mere samne us ki hasti nahin hai

Mirza Maseeta Beg Muntahi

---

---

kaba-o-dair ek samajhte hain rind-e-pak
paband ye nahin hain haram-o-halal ke

Mirza Maseeta Beg Muntahi

---

---

kabhi haram mein kabhi but-kade ko jata hun
zamin DhunDh raha hun mazar ke qabil

Mirza Maseeta Beg Muntahi

---

---

KHayal us saf-e-mizhgan ka dil mein aaega
hamare mulk mein bharti sipah ki hogi

Mirza Maseeta Beg Muntahi

---

---

KHud rahm kijiye dil-e-ummid-war par
aaphi nikaliye koi surat nibah ki

Mirza Maseeta Beg Muntahi

---

---

latif ruh ke manind jism hai kis ka
piyaada kaun waqar-e-sawar rakhta hai

Mirza Maseeta Beg Muntahi

---

---

mujh sa aashiq aap sa mashuq tab howe nasib
jab KHuda ek dusra arz-o-sama paida kare

Mirza Maseeta Beg Muntahi

---

---