hum ishq tere hath se kya kya na dekhin haalaten
dekh ab ye dida KHun na ho KHun-e-jigar pani na ka

Mirza Azfari

---

---

jilao maro durkaro bula lo galiyan de lo
karo jo chaho hum kis baat se ikrah rakhte hain

Mirza Azfari

---

---

jo aaya yar to tu ho chala ghash ai diwane dil
isi dam tujh ko marna tha bata kya tujh ko dhaD aai

Mirza Azfari

---

---

kakul nahin laTakte kuchh un ki chhatiyon par
chaukan se ye khilanDre genden uchhaalte hain

Mirza Azfari

---

---

kaun kahta hai ki tu ne hamein haT kar mara
dil jhapaT aankh laDa nazron se DaT kar mara

Mirza Azfari

---

---

kis zamane ki ye dushman thi meri
is mohabbat ka ho munh kala miyan

Mirza Azfari

---

---

o atarid zuhal-e-nahis se Tuk mang midad
baKHt ka majra likhta hun siyahi dena

Mirza Azfari

---

---