dil aur shama donon barabar hain soKHta
uThta hai kis jagah se dhuan dekhte raho

Mehboob Azmi

---

---

mauquf hai kyun hashr pe insaf hamara
qissa jo yahan ka hai to phir tai bhi yahin ho

Mehboob Azmi

---

---

altaf-o-karam ghaiz-o-ghazab kuchh bhi nahin hai
tha pahle bahut kuchh magar ab kuchh bhi nahin hai

Mehboob Rahi

---

---

din judai ka diya wasl ki shab ke badle
lene the ai falak-e-pir ye kab ke badle

Mela Ram Wafa

---

---

go qayamat se peshtar na hui
tum na aae to kya sahar na hui

Mela Ram Wafa

---

---

ek bar us ne mujh ko dekha tha muskura kar
itni to hai haqiqat baqi kahaniyan hain

Mela Ram Wafa

---

---

itni tauhin na kar meri bala-noshi ki
saqiya mujh ko na de map ke paimane se

Mela Ram Wafa

---

---