lai hai kahan mujh ko tabiat ki do-rangi
duniya ka talabgar bhi duniya se KHafa bhi

Midhat-ul-Akhtar

---

---

main ne sahil se use Dubte dekha tha faqat
mujhe gharqab karega yahi manzar us ka

Midhat-ul-Akhtar

---

---

mere wajud mein shamil rahe hain kitne wajud
to phir ye kaise kahun jo kiya kiya main ne

Midhat-ul-Akhtar

---

---

teri auqat hi kya 'midhat-ul-aKHtar' sun le
shahr ke shahr zaminon ke tale dab gae hain

Midhat-ul-Akhtar

---

---

tum mil gae to koi gila ab nahin raha
main apni zindagi se KHafa ab nahin raha

Midhat-ul-Akhtar

---

---

tu samajhta hai mujhe harf-e-mukarrar lekin
main sahifa hun tere dil pe utarne wala

Midhat-ul-Akhtar

---

---

ishq ki naw par kya howe
jo ye kashti tare to bas Dube

Mir Sajjad

---

---