dil apna inhin baaton se uTh jata hai tujh se
ja baiThe hai tu mil ko jo har na-kas-o-kas mein

Meer Hasan

---

---

dil 'hasan' aise gum hue ki sada
ek ko ek ka suragh raha

Meer Hasan

---

---

dil ko kis bu-qalamon jalwe ne hai KHun kiya
ashk aaankhon se jo ye rang-ba-rang aate hain

Meer Hasan

---

---

dil-o-jaan jo hain ye so apne nahin
samajhte hain in ko to hum aap ka

Meer Hasan

---

---

dosti kis se na thi kis se mujhe pyar na tha
jab bure waqt pe dekha to koi yar na tha

Meer Hasan

---

---

duniya hai sambhal ke dil lagana
yan log ajab ajab milenge

Meer Hasan

---

---

ek dam bhi mila na hum ko qarar
is dil-e-be-qarar ke hathon

Meer Hasan

---

---