izhaar-e-KHamoshi mein hai sau tarah ki fariyaad
zahir ka ye parda hai ki main kuchh nahin kahta

Meer Hasan

---

---

jaan-o-dil hain udas se mere
uTh gaya kaun pas se mere

Meer Hasan

---

---

jab dekho hun us ko to mujhe aata hai ye rashk
kis kis ka ye manzur-e-nazar howega yara

Meer Hasan

---

---

jab lage honge juda hazrat-e-dil hum ne kaha
phir bhi miliyega kabhi hum se kaha ya qismat

Meer Hasan

---

---

jab se juda hua hai wo shoKH tab se mujh ko
nit aah aah karna aur zar zar rona

Meer Hasan

---

---

jab talak zar hai to sab koi hai phir koi nahin
sach hai makkhi bhi rahe hai shakar-o-shir talak

Meer Hasan

---

---

jaise ki aaj wasl hua kya na chahiye
ek din bhi aawe aisa agar sau baras ke bich

Meer Hasan

---

---