hai yahi shauq shahadat ka agar dil mein to ishq
le hi pahunchega hamein bhi teri shamshir talak

Meer Hasan

---

---

hum ko bhi dushmani se tere kaam kuchh nahin
tujh ko agar hamare nahin pyar se gharaz

Meer Hasan

---

---

hum mein hi aalam-e-akbar hue go jurm-e-saghir
mazhar-e-jalwa-e-haq hazrat-e-insan hain hum

Meer Hasan

---

---

ho zabt-e-nala kyunki dil-e-na-tawan mein aah
aatish kahin chhupae se chhupti hai KHas ke bich

Meer Hasan

---

---

is ko ummid nahin hai kabhi phir basne ke
aur viranon se is dil ka hai virana juda

Meer Hasan

---

---

ishq ka ab martaba pahuncha muqabil husn ke
ban gae but hum bhi aaKHir us sanam ki yaad mein

Meer Hasan

---

---

itne aansu to na the dida-e-tar ke aage
ab to pani hi bhara rahta hai ghar ke aage

Meer Hasan

---

---