furqat ki shab mein aaj ki phir kya jalawenge
dil ka diya tha ek so kal hi jala diya

Meer Hasan

---

---

ghair kahte hain ki hum baiThne dewenge na yan
ab to is zid se jo kuchh howe so ho baiThe hum

Meer Hasan

---

---

ghair ko tum na aankh bhar dekho
kya ghazab karte ho idhar dekho

Meer Hasan

---

---

ghamze ne le ke dil ko ada ke kiya supurd
ghamze se dil ko len ki ada se talab karen

Meer Hasan

---

---

gar yahi tere ishaare hain to majlis se teri
kui na kui aa ke uTha dewega go baiThe hum

Meer Hasan

---

---

go bhale sab hain aur main hun bura
kya bhalon mein bura nahin hota

Meer Hasan

---

---

guzri hai raat mujh mein aur dil mein turfa sohbat
idhar to main ne ki aah udhar se wo karaha

Meer Hasan

---

---