ye hasrat rah gai kya kya maze se zindagi karte
agar hota chaman apna gul apna baghban apna

Mazhar Mirza Jaan-e-Janaan

---

---

wabasta meri yaad se kuchh talKHiyan bhi thin
achchha hua ki tum ne faramosh kar diya

Meem Hasan Lateefi

---

---

wabasta meri yaad se kuchh talKHiyan bhi thin
achchha kiya ki mujh ko faramosh kar diya

Meem Hasan Lateefi

---

---

aabla-pa koi is dasht mein aaya hoga
warna aandhi mein diya kis ne jalaya hoga

Meena Kumari

---

---

aaghaz to hota hai anjam nahin hota
jab meri kahani mein wo nam nahin hota

Meena Kumari

---

---

ayaadat ko aae shifa ho gai
meri ruh tan se juda ho gai

Meena Kumari

---

---

hansi thami hai in aankhon mein yun nami ki tarah
chamak uThe hain andhere bhi raushni ki tarah

Meena Kumari

---

---