jo mil gae to tawangar na mil sake to gada
hum apni zat ke andar chhupa diye gae hain

Meer Ahmad Naved

---

---

KHud se guzre to qayamat se guzar jaenge hum
yani har haal ki haalat se guzar jaenge hum

Meer Ahmad Naved

---

---

kuchh is tarah se kaha mujh se baiThne ke liye
ki jaise bazm se us ne uTha diya hai mujhe

Meer Ahmad Naved

---

---

main apne hijr mein tha mubtala azal se magar
tere visal ne mujh se mila diya hai mujhe

Meer Ahmad Naved

---

---

main kahin aaun main kahin jaun
waqt jaise ruka sa rahta hai

Meer Ahmad Naved

---

---

mumkin nahin hai shayad donon ka sath rahna
teri KHabar jab aai apni KHabar gai hai

Meer Ahmad Naved

---

---

pesh-e-zamin rahun ki pas-e-asman rahun
rahta hun apne sath main chahe jahan rahun

Meer Ahmad Naved

---

---