kis samt ja raha hai zamana kaha na jae
ukta gae hain log fasana kaha na jae

Mazhar Imam

---

---

na itni dur jaiye ki log puchhne lagen
kisi ko dil ki kya KHabar ye hath to mila rahe

Mazhar Imam

---

---

nigah o dil ke pas ho wo mera aashna rahe
hawas hai ya ki ishq hai ye kaun sochta rahe

Mazhar Imam

---

---

safar mein achanak sabhi ruk gae
ajab moD apni kahani mein tha

Mazhar Imam

---

---

sameT len mah o KHurshid raushni apni
salahiyat hai zamin mein bhi jagmagane ki

Mazhar Imam

---

---

tu na hoga to kahan ja ke jalunga shab bhar
tujh se hi garmi-e-mahfil hai mera sath na chhoD

Mazhar Imam

---

---

us ghar ki badaulat mere sheron ko hai shohrat
wo ghar ki jo is shahr mein badnam bahut hai

Mazhar Imam

---

---