hum se wahshi nahin hone ke giraftar kabhi
log diwane hain zanjir liye phirte hain

Mazaq Badayuni

---

---

nikal gaya meri aankhon se misl-e-KHwa-o-KHayal
guzar gaya dil-e-raushan se wo nazar ban ka

Mazaq Badayuni

---

---

sat aasman ki sair hai pardon mein aankh ke
aankhen khulin to turfa tamasha nazar paDa

Mazaq Badayuni

---

---

waiz buton ke aage na furqan nikaliye
surat se un ki mani-e-quran nikaliye

Mazaq Badayuni

---

---

zaban par aah rahi lab se lab kabhu na mila
teri talab to mili kya hua jo tu na mila

Mazaq Badayuni

---

---

aap ko mere taaruf ki zarurat kya hai
main wahi hun ki jise aap ne chaha tha kabhi

Mazhar Imam

---

---

ab kisi rah pe jalte nahin chahat ke charag
tu meri aaKHiri manzil hai mera sath na chhoD

Mazhar Imam

---

---