umuz-e-ishq-o-mohabbat se aashna hun main
kisi ko gham-zada dekha to ro diya hun main

Matin Niazi

---

---

teri samajh mein na aa sakegi kisi ke ashkon ki qadr-o-qimat
abhi hai na-ashna-e-gham tu abhi tera dil dukha nahin hai

Matin Niazi

---

---

tufan se bach ke Dubi hai kashti kahan na puchh
sahil bhi e'tibar ke qabil nahin raha

Matin Niazi

---

---

yahi aaina hai wo aaina jo liye hai jalwa-e-agahi
ye jo shaeri ka shuur hai ye payambari ki talash hai

Matin Niazi

---

---

ye zindagi jise apna samajh rahe hain sab
hai mustaar faqat raunaq-e-jahan ke liye

Matin Niazi

---

---

zindagi ki bhi yaqinan koi manzil hogi
ye safar hi ki tarah ek safar hai ki nahin

Matin Niazi

---

---

kaliyon ko khul ke hansne ka andaz aa gaya
gulshan mein aa ke tum jo zara muskura gae

Mayal Khairabadi

---

---