kya gharaz hum ko wahan ab koi bhi aabaad ho
hum to us basti se ghar apna uTha kar le gae

Masooda Hayat

---

---

tamam umr bhaTakte rahe jo rahon mein
dikha rahe hain wahi aaj rasta mujh ko

Masooda Hayat

---

---

tum hamein harf-e-ghalat kah ke miTa bhi na sake
ab bhi har lab pe sar-e-bazm hai charcha apna

Masooda Hayat

---

---

tumhaare milne ki har aas aaj TuT gai
tumhin batao ki ab kis tarah jiya jae

Masooda Hayat

---

---

ye kya ki aaj koi nam tak nahin leta
wo din bhi the ki har ek lab pe baat apni thi

Masooda Hayat

---

---

'masum' ajab hai haal-e-chaman har shoale ka yahan badla hai chalan
shaKHon ko jalaya jata hai tair ko sataya jata hai

Masoom Sharqi

---

---

dil ke luTne ka sabab puchho na sab ke samne
nam aaega tumhaara ye kahani phir sahi

Masroor Anwar

---

---