hamare aasman ka har sitara sab pe raushan hai
kisi zaKHm-e-mohabbat ko nihan hum ne nahin rakkha

Mashkoor Husain Yaad

---

---

in ashkon ka dil se kya talluq
ye shoale jigar se aa rahe hain

Mashkoor Husain Yaad

---

---

KHush na ho aansuon ki barish par
barq hai chashm-e-tar ke pahlu mein

Mashkoor Husain Yaad

---

---

naqab uThao to har shai ko paoge salim
ye kaenat ba-taur-e-hijab TuTti hai

Mashkoor Husain Yaad

---

---

umr guzri safar ke pahlu mein
KHub se KHub-tar ke pahlu mein

Mashkoor Husain Yaad

---

---

na wo rindan-e-KHush-auqat na wo bazm-e-wafa
ishrat-e-baada-e-gulfam kise nazr karun

Masood Akhtar Jamal

---

---

kaun maslub hua husn ka kirdar ki hum
shohrat-e-ishq mein badnam hua yar ki hum

Masood Qureshi

---

---