shiddat-e-shauq mein kuchh itna use yaad kiya
aaina toD ke taswir nikal aai hai

Manzoor Hashmi

---

---

suna hai sachchi ho niyat to rah khulti hai
chalo safar na karen kam se kam irada karen

Manzoor Hashmi

---

---

tis chaalis din to kaT diye
aur kitne hain is mahine mein

Manzoor Hashmi

---

---

ummid o yas ki rut aati jati rahti hai
magar yaqin ka mausam nahin badalta hai

Manzoor Hashmi

---

---

yaqin ho to koi rasta nikalta hai
hawa ki oT bhi le kar charagh jalta hai

Manzoor Hashmi

---

---

zindagi kitni hasin kitni baDi neamat hai
aah main hun ki use pa ke bhi sharminda hun

Manzoor Hashmi

---

---

main aisi rah pe nikla ki meri KHush-baKHti
tamam umr meri khoj mein bhaTakti rahi

Maqbool Aamir

---

---