yun to ashkon se bhi hota hai alam ka izhaar
hae wo gham jo tabassum se ayan hota hai

Maqbool Naqsh

---

---

zindagi KHwab dekhti hai magar
zindagi zindagi hai KHwab nahin

Maqbool Naqsh

---

---

jina mushkil to bahut hai teri is duniya mein
lekin is KHwab ko marna bhi nahin chahiye hai

Maqsood Wafa

---

---

mujh ko taKHrib bhi nahin aai
toDta kuchh hun TuTta kuchh hai

Maqsood Wafa

---

---

aaKHir hua hai hashr bapa intizar mein
subh-e-shab-e-firaq hui marwaD mein

Mardan Ali Khan Rana

---

---

abru aanchal mein dupaTTe ke chhupana hai baja
turk kya myan mein rakhte nahin talwaron ko

Mardan Ali Khan Rana

---

---

ashk-e-hasrat dida-e-dil se hain jari in dinon
kar-e-tufan kar rahi hai ashk-bari in dinon

Mardan Ali Khan Rana

---

---