isi umid pe barsen guzar din hum ne
wo kah gaya tha ki mausam palaT ke aate hain

Manzoor Hashmi

---

---

jitne us ke firaq mein guzre
din wo shamil kahan hain jine mein

Manzoor Hashmi

---

---

jo apni nind ki punji bhi kab ki kho chuki hain
unhin aankhon mein hum ek KHwab rakhna chahte hain

Manzoor Hashmi

---

---

kabhi kabhi to kisi ajnabi ke milne par
bahut purana koi silsila nikalta hai

Manzoor Hashmi

---

---

koi makin tha na mehman aane wala tha
to phir kiwaD khula kis ke intizar mein tha

Manzoor Hashmi

---

---

kuchh ab ke dhup ka aisa mizaj bigDa hai
daraKHt bhi to yahan saeban mangte hain

Manzoor Hashmi

---

---

likkhe the safar panw mein kis tarah Thaharte
aur ye bhi ki tum ne to pukara hi nahin tha

Manzoor Hashmi

---

---