chalo lahu bhi charaghon ki nazr kar denge
ye shart hai ki wo phir raushni ziyaada karen

Manzoor Hashmi

---

---

chiKH-o-pukar mein to hain shamil tamam log
kya baat hai ye koi bata bhi nahin raha

Manzoor Hashmi

---

---

firaq bichhDi hui KHushbuon ka sah na saken
to phul apna badan para para karte hain

Manzoor Hashmi

---

---

hadaf bhi mujh ko banana hai aur mere harif
mujhi se tir mujhi se kaman mangte hain

Manzoor Hashmi

---

---

hamare lafz aainda zamanon se ibarat hain
paDha jaega kal jo aaj wo tahrir karte hain

Manzoor Hashmi

---

---

hamare sath bhi chalta hai rasta
hamare baad bhi rasta chalega

Manzoor Hashmi

---

---

ek zamana hai hawaon ki taraf
main charaghon ki taraf ho jaun

Manzoor Hashmi

---

---