meri tarif kare ya mujhe bad-nam kare
jis ne jo baat bhi karni hai sar-e-am kare

Maqbool Aamir

---

---

mujhe KHud apni nahin us ki fikr lahaq hai
bichhaDne wala bhi mujh sa hi be-sahaara tha

Maqbool Aamir

---

---

safar pe niklen magar samt ki KHabar to mile
koi kiran koi jugnu dikhai de to chalen

Maqbool Aamir

---

---

teri qurbat mein ye pardes se aaya hua shaKHs
chhoD kar tujh ko kahin aur bhi ja sakta hai

Maqbool Husain Syed Karnal

---

---

kya meri tarah KHanaman-barbaad ho tum bhi
kya baat hai tum ghar ka pata kyun nahin dete

Maqbool Naqsh

---

---

mujhe ye zoam ki main husn ka musawwir hun
unhen ye naz ki taswir to hamari hai

Maqbool Naqsh

---

---

patthar bhi chaTaKHte hain to de jate hain aawaz
dil TuT rahe hain to sada kyun nahin dete

Maqbool Naqsh

---

---