qafas mein jab zara jhapki meri aankh
yahi dekha nasheman jal raha hai

Manzar Lakhnavi

---

---

sada waraq jawab mein ek la ke de gaya
diwana jaanta hai mera nama-bar mujhe

Manzar Lakhnavi

---

---

sajde karta ja raha hun ku-e-jaanan ki taraf
rasta batla rahi hai meri peshani mujhe

Manzar Lakhnavi

---

---

shab-e-hijr yun dil ko bahla rahe hain
ki din bhar ki biti ko dohra rahe hain

Manzar Lakhnavi

---

---

tafriq husn-o-ishq ke andaz mein na ho
lafzon mein farq ho magar aawaz mein na ho

Manzar Lakhnavi

---

---

un ko hansa rahi hai jama-dari hamari
parwan chaDh rahi hai diwangi hamari

Manzar Lakhnavi

---

---

waiz se na puchhunga kabhi masala-e-ishq
main KHub samajhta hun jo irshad karenge

Manzar Lakhnavi

---

---