mangne par kya na dega taqat-e-sabr-o-sukun
jis ne be mange ata kar di pareshani mujhe

Manzar Lakhnavi

---

---

main tinke chunta phirta hun sayyaad tiliyan
tayyar ho raha hai qafas aashiyan ke sath

Manzar Lakhnavi

---

---

marg-e-ashiq pe farishta maut ka badnam tha
wo hansi roke hue baiTha tha jis ka kaam tha

Manzar Lakhnavi

---

---

mera beDi pahanna tha ki duniya ki hawa badli
zamane ki bahaaren phaT paDin aa ke gulistan pa

Manzar Lakhnavi

---

---

meri raat kyun kar kaTegi ilahi
mujhe din ko tare nazar aa rahe hain

Manzar Lakhnavi

---

---

meri raat kyunkar kaTegi ilahi
mujhe din ko tare nazar aa rahe hain

Manzar Lakhnavi

---

---

miTane wale hamara hi ghar miTana tha
chaman mein ek se ek achchha aashiyana tha

Manzar Lakhnavi

---

---