kabhi to apna samajh kar jawab de Dalo
badal badal ke sadaen pukarta hun main

Manzar Lakhnavi

---

---

kam-sini kya kam thi is par qahr hai shakki mizaj
apna nawak mere dil se khinch kar dekha kiye

Manzar Lakhnavi

---

---

khelna aag ke shoalon se kuchh aasan nahin
bas ye ek baat KHuda-dad hai parwane mein

Manzar Lakhnavi

---

---

kijiye kyun murda armanon se chheD
sone walon ko to sone dijiye

Manzar Lakhnavi

---

---

kis ka kucha hai aa gaya hun kahan
yan to kuchh nind aai jati hai

Manzar Lakhnavi

---

---

kisi aankh mein nind aae to jaanun
mera qissa-e-gham kahani nahin hai

Manzar Lakhnavi

---

---

kuchh abr ko bhi zid hai 'manzar' meri tauba se
jab ahd kiya main ne ghanghor ghaTa chhai

Manzar Lakhnavi

---

---