ab rah-e-wafa ke patthar ko hum phul nahin samjhenge kabhi
pahle hi qadam par Thes lagi dil TuT gaya achchha hi hua

Manzar Saleem

---

---

dahshat khuli faza ki qayamat se kam na thi
girte hue makanon mein aa baiThe yar log

Manzar Saleem

---

---

suraj chaDha to pighli bahut choTiyon ki barf
aandhi chali to ukhDe bahut saya-dar log

Manzar Saleem

---

---

aisa dil-kash tha ki thi maut bhi manzur hamein
hum ne jis jurm ki kaTi hai saza zindan mein

Manzoor Arif

---

---

aat teri suni nahin main ne
dhyan mera teri nazar par tha

Manzoor Arif

---

---

har shai lamhe ki mehman hai kya gul kya KHushbu
kya mai kya nasha-e-aina kya aaina-ru

Manzoor Arif

---

---

wo kya gaya ki har ek shaKHs rah gaya tanha
usi ke dam se thin baham rifaqaten sari

Manzoor Arif

---

---