KHushbu se kis zaban mein baaten karenge log
mahfil mein ye sawal tujhe dekh kar hua

Mansoor Usmani

---

---

mujh se dilli ki nahin dil ki kahani suniye
shahr to ye bhi kai bar luTa hai mujh mein

Mansoor Usmani

---

---

pahle to us ki yaad ne sone nahin diya
phir us ki aahaTon ne kaha jagte raho

Mansoor Usmani

---

---

shabnam ki jagah aag ki barish ho magar hum
'mansur' na mangenge dua aur tarah ki

Mansoor Usmani

---

---

ye alag baat ki alfaz hain mere lekin
sach to bas ye hai ki teri hi sada hai mujh mein

Mansoor Usmani

---

---

ajib wajh-e-mulaqat thi meri us se
ki wo bhi meri tarah shahr mein akela tha

Mansoora Ahmad

---

---

main us ko kho ke bhi us ko pukarti hi rahi
ki sara rabt to aawaz ke safar ka tha

Mansoora Ahmad

---

---