sard ThiThuri hui lipTi hui sarsar ki tarah
zindagi mujh se mili pichhle december ki tarah

Mansoor Aafaque

---

---

tere bhulane mein mera qusur itna hai
ki paD gae the mujhe kaam kuchh ziyaada hi

Mansoor Aafaque

---

---

tujh aisi narm garm kai laDkiyon ke sath
main ne shab-e-firaq Dubo di sharab mein

Mansoor Aafaque

---

---

wo tera unchi haweli ke qafas mein rahna
yaad aae to parindon ko riha karta hun

Mansoor Aafaque

---

---

jo kabhi diwar pe laTkai thi
ab tere kamre ki zinat bhi nahin

Mansoor Khushtar

---

---

kisi se sarguzisht-e-gham bayan karta hun jab apni
kahani wo sarasar aap ki malum hoti hai

Mansoor Khushtar

---

---

naz-o-andaz ki qimat hai tere mere sabab
kis ki mahfil mein bhala aur ghazab Dhaoge

Mansoor Khushtar

---

---