din bhi Duba ki nahin ye mujhe malum nahin
jis jagah bujh gae aankhon ke diye raat hui

Manzar Bhopali

---

---

hamare dil pe jo zaKHmon ka bab likkha hai
isi mein waqt ka sara hisab likkha hai

Manzar Bhopali

---

---

idhar to dard ka pyala chhalakne wala hai
magar wo kahte hain ye dastan kuchh kam hai

Manzar Bhopali

---

---

ek makan aur bulandi pe banane na diya
hum ko parwaz ka mauqa hi hawa ne na diya

Manzar Bhopali

---

---

in aansuon ka koi qadr-dan mil jae
ki hum bhi 'mir' ka diwan le ke aae hain

Manzar Bhopali

---

---

jo parsa ho to kyun imtihan se Darte ho
hum e'tibar ka mizan le ke aae hain

Manzar Bhopali

---

---

kamanon mein khinche hain tir talwaren hain chamki
zara Thahro kahan jate ho dariya dekhne ko

Manzar Bhopali

---

---