teri aql gum tujhe kar na de rah-e-zindagi mein sambhal ke chal
tu guman ki had na talash kar ki kahin bhi hadd-e-guman nahin

Mahfuzur Rahman Adil

---

---

tumhaare baKHshe hue aansuon ke qatron se
shab-e-firaq mein tare saja raha hun main

Mahfuzur Rahman Adil

---

---

tumhaari mast aankhon ka tasawwur
meri tauba se Takrane laga hai

Mahfuzur Rahman Adil

---

---

un safinon ki tabahi mein hai ibrat ka sabaq
jo kinare tak pahunch kar nazr-e-tufan ho gae

Mahfuzur Rahman Adil

---

---

usi ne baKHsha hai mujh ko shuur jine ka
jo mushkilon ki ghaDi bar bar aai hai

Mahfuzur Rahman Adil

---

---

waqt ki gardishon ka gham na karo
hausle mushkilon mein palte hain

Mahfuzur Rahman Adil

---

---

wo jaga kar hum ko sab KHush-manzari le jaega
KHwab kya hai KHwab ki tabir bhi le jaega

Mahfuzur Rahman Adil

---

---