mere talwon ke lahu se hogi raushan har jihat
rah-rawan-e-rah-e-manzil honge shashdar dekhna

Mahfuzur Rahman Adil

---

---

mujh ko shauq-e-justuju-e-kaenat
KHak se 'adil' KHala tak le gaya

Mahfuzur Rahman Adil

---

---

parat parat tera chehra saja raha hun main
ye ittifaq ki hain ghar mein aaine TuTe

Mahfuzur Rahman Adil

---

---

qaidi bana ke rakkha hai us ne tamam umr
mujh ko hisar-e-jaan se nikalne nahin diya

Mahfuzur Rahman Adil

---

---

samne man ke jo hota hun to allah allah
mujh ko mahsus ye hota hai ki bachcha hun abhi

Mahfuzur Rahman Adil

---

---

shaKH se gir kar hawa ke sath sath
kis taraf ye zard patta jaega

Mahfuzur Rahman Adil

---

---

shabnami qatre gul-e-lala pe the raqs-kunan
barf ke TukDe bhi dekhe gae angaron mein

Mahfuzur Rahman Adil

---

---