ye zor-e-barq-o-baad ye tufan al-aman
mahrum ho na jaen kahin aashiyan se hum

Mahesh Chandra Naqsh

---

---

yun guzarte hain hijr ke lamhe
jaise wo baat karte jate hain

Mahesh Chandra Naqsh

---

---

yun ruTh ke jaane pe main KHamosh hun lekin
ye baat mere dil ko gawara to nahin hai

Mahesh Chandra Naqsh

---

---

aaftab-e-garm se dast-o-gareban ho gae
dhup ki shiddat se sae jab pareshan ho gae

Mahfuzur Rahman Adil

---

---

aap nur-afshan hain raat ke andhere mein
ya sitare raqsan hain raat ke andhere mein

Mahfuzur Rahman Adil

---

---

ab sar-e-am juda hote hain sar shanon se
ab ye manzar hai tajjub ka na hairani ka

Mahfuzur Rahman Adil

---

---

ab tak isi muamme mein uljha hua hun main
lai hai zindagi mujhe kyun is jahan tak

Mahfuzur Rahman Adil

---

---