KHat likha yar ne raqibon ko
zindagi ne diya jawab mujhe

Lala Madhav Ram Jauhar

---

---

KHuda samjhe ye kya sayyaad o gulchin zulm karte hain
gulon ko toDte hain bulbulon ke par katarte hain

Lala Madhav Ram Jauhar

---

---

KHub-ru hain saikDon lekin nahin tera jawab
dilrubai mein ada mein naz mein andaz mein

Lala Madhav Ram Jauhar

---

---

KHun hoga wo agar ghair ke ghar jaenge
hum gala kaTenge sar phoDenge mar jaenge

Lala Madhav Ram Jauhar

---

---

KHwab mein nam tera le ke pukar uThta hun
be-KHudi mein bhi mujhe yaad teri yaad ki hai

Lala Madhav Ram Jauhar

---

---

ki tark-e-mohabbat to liya dard-e-jigar mol
parhez se dil aur bhi bimar paDa hai

Lala Madhav Ram Jauhar

---

---

kis taraf aae kidhar bhul paDe KHair to hai
aaj kya tha jo tumhein yaad hamari aai

Lala Madhav Ram Jauhar

---

---