jo kuchh paDti hai sar par sab uThata hai mohabbat mein
jahan dil aa gaya phir aadmi majbur hota hai
Lala Madhav Ram Jauhar
kabe ki to kya asl hai us kuche se aage
jannat ho to jae na gunahgar tumhaara
Lala Madhav Ram Jauhar
kabe mein bhi wahi hai shiwale mein bhi wahi
donon makan us ke hain chahe jidhar rahe
Lala Madhav Ram Jauhar
kai bar un se pasija hai patthar
ye nale mere aazmae hue hain
Lala Madhav Ram Jauhar
kabhi khulta hi nahin saf kuchh iqrar inkar
hote hain un ki har ek baat mein pahlu donon
Lala Madhav Ram Jauhar
kaha kya jaane kya paigham-bar se
bahut KHush aaj aata hai udhar se
Lala Madhav Ram Jauhar
kaise be-rahm hain sayyaad ilahi tauba
mausam-e-gul mein mujhe kaT ke par rakhte hain
Lala Madhav Ram Jauhar

