kaise bhule hue hain gabr o musalman donon
dair mein but hai na kabe mein KHuda rakkha hai

Lala Madhav Ram Jauhar

---

---

kar sake dil ki wakalat na teri bazm mein log
is kachehri mein to muKHtar bhi majbur rahe

Lala Madhav Ram Jauhar

---

---

kaTte kisi tarah se nahin hae kya karun
din ho gae pahaD mujhe intizar ke

Lala Madhav Ram Jauhar

---

---

kaun hote hain wo mahfil se uThane wale
yun to jate bhi magar ab nahin jaane wale

Lala Madhav Ram Jauhar

---

---

kaun si shab mujh ko hogi lailatul-qadr ai KHuda
dekhiye tashrif wo kis din mere ghar laenge

Lala Madhav Ram Jauhar

---

---

KHak mein dil ko milate ho ghazab karte ho
andhe aaine mein kya dekhoge surat apni

Lala Madhav Ram Jauhar

---

---

KHamoshi dil ko hai furqat mein din raat
ghaDi rahti hai ye aaThon pahar band

Lala Madhav Ram Jauhar

---

---