main dair o haram ho ke tere kuche mein pahuncha
do manzilon ka pher bas ai yar paDa hai

Lala Madhav Ram Jauhar

---

---

main ne minnat kabhi ki ho to bata den zahid
kaun se roz sifarish ko gunahgar aaya

Lala Madhav Ram Jauhar

---

---

mai-kada jal raha hai tere baghair
dil mein chhaale hain aabgine ke

Lala Madhav Ram Jauhar

---

---

mal rahe hain wo apne ghar mehndi
hum yahan eDiyan ragaDte hain

Lala Madhav Ram Jauhar

---

---

mausam-e-baran-e-furqat mein rulane ke liye
mor din ko bol uThta hai papiha raat ko

Lala Madhav Ram Jauhar

---

---

mera hi KHat us shoKH ne bheja mere aage
aaKHir jo likha tha wahi aaya mere aage

Lala Madhav Ram Jauhar

---

---

meri hi jaan ke dushman hain nasihat wale
mujh ko samjhate hain un ko nahin samjhate hain

Lala Madhav Ram Jauhar

---

---