mil bhi jao yunhi tum bahr-e-KHuda aap se aap
jis tarah ho gae ho hum se KHafa aap se aap

Lala Madhav Ram Jauhar

---

---

mohabbat ko chhupae lakh koi chhup nahin sakti
ye wo afsana hai jo be-kahe mashhur hota hai

Lala Madhav Ram Jauhar

---

---

munh par naqab-e-zard har ek zulf par gulal
holi ki sham hi to sahar hai basant ki

Lala Madhav Ram Jauhar

---

---

mujhe ab aap ne chhoDa ki main ne
idhar to dekhiye kis ne dagha ki

Lala Madhav Ram Jauhar

---

---

muKHtar main agar hun to majbur kaun hai
majbur aap hain to kise iKHtiyar hai

Lala Madhav Ram Jauhar

---

---

mushtaq jama hain pae-didar saikDon
dar par hain saikDon pas-e-diwar saikDon

Lala Madhav Ram Jauhar

---

---

na aao is taraf ai hazrat-e-ishq
chale jao gharibon ka ye ghar hai

Lala Madhav Ram Jauhar

---

---